Thu, 06 May 2021

Cebuano News: Mga nabakunahan milapas na sa usa ka milyon - DOH

Philippine Information Agency
14 Apr 2021, 21:38 GMT+10

UNA NGA NAKAKUHA SA IKA DUHA. Una nga nakakuha sa ika duha nga tupok sa bakuna ang nga medical frontline workers sa GCGMH sanglit sila usab ang una nga nakakauha sa unang tupok, usa ka buwan na ang minglabay. (PIA Bohol/GCGMH)

TAGBILARAN CITY, Bohol, April 14 (PIA) -- Nakab-ot na sa nasud ang kapin sa usa ka milyon ka Pinoy ang nabakunahan sa ika 42 ka adlaw nga pagpangbakuna nga giprograma sa kagamhanan aron kabatokan ang pagpanakod sa corona virus disease (COVID-19).

Hangtud niadtong Abril 11, 2021, 1,026,558 ka Pilipino ang nakadawat na sa ilang una sa duha ka tupokan nga bakuna batok sa COVID-19, diha sa kinatibuk-an nga 2,869 ka vaccination sites dinhi sa nasud.

Sa duha ka bakuna nga nakuha sa nasud gikan s amga donasyon ung sa COVAX facility, mikabat na sa 515,359 ka individuals ang nahatagan sa unang dose sa Sinovac vaccine samtang naa na usab sa 511,199 ka individuals ang nakadawat sa bakuna sa AstraZeneca.

Sa mga nahisgutan nga mga indibidwal, mikabat na ngadto sa 853,700 ka frontline healthcare workers sa Pilipinas sa kinatibuk-ang 1,457,173 nga naa sa masterlisted isip eligible sa Priority Group A1 population, ang nabakunahan hangtud Abril 11. 2021.

Kini, segun pa sa Department of Health, naa na sa 58.6% ang nakab-ot samtang padayon pa ang pagpangbakuna sa frontliner health care workers, kinsa naa sa Priority Group A1 population.

Sa mga front HCW nga naa sa front line operations, 382,665 ang nakakuha sa bakuna sa Sinovac samtang 471,035 usab ang nakakuha sa bakuna sa AstraZeneca.

Gani, dugang sa DOH, miabut na sa 140,043 ka health care workers (HCWs) nga naa sa frontline nga serbisyo medical ang nakakompleto na sa ika duha nga tupokan sa Sinovac, human sa 28 ka adlaw gikan sa unang tupok niini.

Sa kasamtangan, daghan na ang rehiyon ang nagsugod na og pagpanghatag sa unang dose sa COVID-19 ngadto sa 49,339 ka seniors citizens nga lakip sa Priority Group A2.

Dugang pa sa DOH, kadtong napailawom sa Priority Group A3, o kadtong mga indibidwal nga may comorbidity o gihambin nga laing mga sakit, 123,519 na ka individuals ang nakadawat sa unang tupok sa bakuna batok sa COVID-19, hangtud sa Abril 11.

Usab sa nahisgutan nga adlaw, may kinatibuk-an nga nga 44,439 deferrals ang nataho.

Kini, segun sa DOH, naa sa 3.1% deferral rate sa mga frontlining health care workers nga nalakip sa Priority Group A1.

Uban sa 1,833 ka individuals nga gibakunahan nianand adlawa, natala usab ang 194 ka kaso sa paglangay una sa pagtupok sa mga nakalista na unta nga angayan tupokan apan gipa-subay una sa health screening.

Ang kasagaran nga rason sa pagpa-langay una sa bakuna mao ang pagpaabut pa sa medical ug surgical clearance sa mga tupokanan gikan sa ilang mga doctor kay basin may komplikasyon kini sa pagkabuntis, o una nga operasyon, na-takdan na sa COVID na ug magpaabut pa sa 90 ka adlaw aron mahimo na nga bakunahan. (rahc/PIA-7/Bohol)

More South Carolina News

Access More

Sign up for South Carolina State News

a daily newsletter full of things to discuss over drinks.and the great thing is that it's on the house!